ÁCh-2014: Germanııa quramasy argentınalyqtardy 2:0 esebimen utady - Frants Bekkenbaýer
ASTANA. QazAqparat - Mıýnhendik «Bavarııanyń» qurmetti prezıdenti Frants Bekkenbaýerdiń paıymynsha, álem chempıonatynyń fınalynda Germanııa quramasy Argentına komandasyn 2:0 esebimen utady. Bul jaıynda ol «Bıld» gazetine bergen suhbatynda málim etti, dep jazady sheteldik BAQ.
«Biz 2.0 esebimen jeńip, álem chempıony atanamyz»,- deıdi ol.
Bekkenbaýerdiń sózine qaraǵanda, Brazılııadaǵy týrnırdiń barysy 1990 jyly Italııada ótken mýndıaldi eske túsirip otyr. Sol kezde onyń basshylyǵymen GFR komandasy chempıondyq tıtýldy jeńip alǵan edi.
Sonymen qatar Bekkenbaýer bıylǵy chempıonat barysynda Germanııa quramasynyń bapkeri Ioahım Lev barlyǵyn durys istep otyrǵandyǵyn atap ótti.
Aıta keteıik, álem chempıonatynyń fınaldyq oıyny 13 shildede Rıo-de-Janeırodaǵy «Marakana» stadıonynda ótedi. Bul aqtyq saıysta Germanııa men Argentına quramalary baqtaryn synamaq.
