ÁCh-2014: Germanııa-Argentına matchy kezinde alańǵa júgirip shyqqan bloger qamaýǵa alyndy
ASTANA. QazAqparat - AQSh-tyń Florıda shtatynyń turǵyny, orys blogeri Vıtalıı Zdorovetskıı qamaýǵa alyndy, dep jazady belta.by.
Atalmysh azamat Germanııa men Argentına arasyndaǵy fınaldyq match kezinde fýtbol alańyna júgirip shyǵyp, nemis quramasynyń oıynshysy Benedıkt Hevedestiń qasyna baryp, tipti ony súıip almaq bolǵan. Tikeleı efırden bul kórinis qıyp alynyp tastaldy, alaıda tosyn sátti fýtbol kommentatory qalt jibermedi. Qyzýqandy jankúıerdi sýretke túsirip úlgergenderdiń arqasynda onyń fotobeınesi ǵalamtorda tanymaldylyqqa ıe boldy.
Zdorovetskıı Rıo-do-Janeıroda 13 shilde kúni ótken matchtyń aldynda óziniń Tvıtterdegi paraqshasyna «Meni erteń Germanııa-Argentına quramalarynyń oıynynan kóre alasyzdar», dep jazǵan eken. Al fınaldyq matchtan keıin ol «Mine, aqyry tanymal boldym», degen jazbasyn qosqan.
