ÁCh-2014: Fýtbol fanattary Neımardy jaraqattaǵandy jazalamaq
ASTANA. QazAqparat - Fýtboldan álem chempıonatynyń 1/4 fınalynda Brazılııa men Kolýmbııa qurama komandalarynyń oıynynda alań ıeleriniń shabýylshysy Neımar omyrtqasynan aýyr jaraqattanǵany belgili.
Sol sebepten ol álemdik dodadaǵy aldaǵy oıyndarǵa qatysa almaıtyn boldy. Osyǵan ashýlanǵan fýtbolshynyń jankúıerleri Neımardy jaraqattaǵan kolýmbııalyq Sýnıgaǵa tezirek elden ketýdi talap etip jatyr, dep jazady "Sovetskıı sport" saıty.
Twitter áleýmettik jelisinde fýtbol fanattarynyń kolýmbııalyqty qarǵap-silegeni óz aldyna, tipti áýejaıda óltirip ketetindikterin jazyp, qorqytyp otyr.
Muny ádeıi qastandyqpen jasamaǵanyn aıtyp aqtalǵan Sýnıga: «Men tek, óz elimniń abyroıyn qorǵadym», - dedi.
Sonymen qatar, búgingi kúni Halyqaralyq fýtbol federatsııasyna shaǵymdanyp, Sýnıgany jazalaýdy suraýshylardyń qatary kóbeıgen.
Dárigerlerdiń medıtsınalyq qorytyndysy boıynsha, Neımardyń omyrtqasyna ota jasalmaıdy. Onyń jarasy shamamen tórt aptada jazylyp, densaýlyǵy qalpyna keledi.
