ÁCh-2014: Frantsııa quramasymen match aldynda Germanııanyń 7 oıynshysy tumaýratyp qaldy
ASTANA. QazAqparat - Fýtboldan Germanııa quramasynyń 7 oıynshysy Frantsııa quramasymen shırek fınaldyq oıyndar aldynda tumaýratyp qaldy. Bul týraly Germanııa qurama komandasynyń bas bapkeri Ioahım Lev málim etti.
«Bólmelerdegi salqyndatqyshtardan jáne jıi kóship-qona bergendikten oıynshylarǵa sýyq tıdi. Oıynǵa deıin olar táýir bolady degen úmittemiz», - dedi I.Lev BAQ-qa bergen suhbatynda.
Brazılııada Germanııa quramasy fýtbolshylarynyń densaýlyqtary syr bergen. Jattyqtyrýshynyń sózine qaraǵanda, syrqattanyp qalǵandyqtan shabýylshy Lýkas Podolskı men Mats Hýmmels Aljır quramasyna qarsy oıynǵa qatysa almaǵan, dep jazady ITAR-TASS.
«Qazir ol oıynshylar saýyqty. Bastıan Shvaınshtaıger, Samı Hedıra jáne Fılıpp Lam da aıyǵyp keledi. Biraq, Krıstof Kramerdiń jaǵdaıyna alańdaımyn» - degen bapker óz sózinde.
Esterińizge sala keteıik, Frantsııa - Germanııa matchy 4 shildede Rıo-de-Janeıro qalasynda ótedi.
