ÁCh-2014: FIFA Argentına fýtbol qaýymdastyǵyna aıyppul saldy
ASTANA. QazAqparat - Halyqaralyq fýtbol qaýymdastyǵy federatsııasynyń (FIFA) Tártiptik komıteti 2014 jylǵy Brazılııadaǵy álem chempıonatynda BAQ-pen jumys jasaý erejelerin buzǵany úshin Argentınanyń fýtbol qaýymdastyǵyna 300 myń shveıtsarııa franki (336 myń dollar) kóleminde aıyppul saldy.
Bul týraly FIFA baspasóz qyzmetinen habarlandy.
Buǵan Nıgerııa quramasyna (toptyq kezeńniń 3 týry), Shveıtsarııa (1/8 fınal) jáne Belgııa (1/4 fınal) quramalaryna qarsy oıyndar aldyndaǵy mindetti baspasóz máslıhatyna bas jattyqtyrýshysy Alehandro Sabelıanyń jalǵyz kelýi túrtki bolǵan. Shart boıynsha oǵan kem degende oıynshylardyń biri qatysýy tıis. Jartylaı fınaldyq match aldynda da osyndaı jaǵdaı qaıtalanǵan.
