ÁCh-2014: Chempıonat kezinde dúnıege kelgen 200-ge jýyq nárestege Messıdiń esimi qoıyldy
ASTANA. QazAqparat - Brazılııada fýtboldan ótken álem chempıonaty kezinde jaryq dúnıe esigin ashqan argentınalyq 200-ge jýyq sábı Messıdiń qurmetine ataldy.
Tipti, argentınalyq quramanyń Germanııa komandasynan jeńilip qalýy da olardyń jankúıerleriniń saǵyn syndyrmady. Bul elde óz fýtbolshylaryna qoldaý kórsetý maqsatynda jańa týǵan nárestelerge olardyń esimderin berý dástúrge aınalǵan. Bıyl quramanyń onynshy nómirli oıynshysy Lıonel Messıdiń esimi asa tanymal bolyp otyr. Eldegi iri provıntsııa Býenos-Aıres pen el astanasynda chempıonat kezinde shamamen 100 Lınonel men 90 Leonelııa týǵan. Sondaı-aq Argentına quramasynyń basqa da oıynshylary jankúıerleriniń nazarynan tys qalmady. Gonsalo, Haver jáne Serhıo esimdi balalar sany da arta túsken, dep habarlaıdy ITAR-TASS.
