ÁCh-2014: Búgin Reseı men Aljır 1/8 fınal joldamasyn sarapqa salady
ASTANA. QazAqparat - Búgin Brazılııada fýtboldan álem chempıonatynyń úshinshi týrynda Reseı men Aljır 1/8 fınal joldamasyn sarapqa salady. Sonymen qatar bul kúni Belgııa - Ońtústik Koreıa, Germanııa - AQSh jáne Portýgalııa - Gana kezdesýleri ótedi.
Kýrıtıba qalasynda ótetin Reseı-Aljır matchy Astana ýaqyty boıynsha 02:00-de bastalady. Bul oıyndy «Qazaqstan» jáne KazSport telearnalary kórsetetin bolady.
Osy ýaqytta N tobynyń taǵy bir juby Belgııa men Ońtústik Koreıa arasyndaǵy kezdesý ótedi. Bul matchty «Eýrazııa» Birinshi arnasynan» kóre alasyzdar.
22:00-de G tobynyń kvarteti toptyq kezeńdegi sońǵy matchtaryn ótkizbek. Portýgalııa Ganamen, Germanııa AQSh quramasymen kúsh synasady. Portýgalııa-Gana matchyn tikeleı efırde «Qazaqstan» jáne KazSport telearnalary taratady. Al AQSh pen Germanııa tartysyn «Eýrazııa» Birinshi arnasy» kórsetpek.
