ÁCh-2014: Búgin Messı bastaǵan Argentına jáne taǵy 5 qurama alǵashqy oıyndaryn ótkizedi
ASTANA. QazAqparat - Búgin, maýsymnyń 15-nen 16-syna qaraǵan túni Brazılııadaǵy fýtbol álem chempıonatynyń tórtinshi kúninde quramalardyń kezekti oıyndary ótedi.
Astana ýaqyty boıynsha, saǵat 22:00-de Shveıtsarııa men Ekvador komandalary kezdesedi. Bul matchty "Qazaqstan" men KazSport telearnalary kórsetetin bolady.
Tún aýǵanda saǵat 01:00-de Frantsııa quramasy Gondýraspen ózara kim myqtyny anyqtamaq. Kórsetilimin "Eýrazııa" birinshi arnasy" jasaıdy. Saǵat 04:00-de Argentına men Bosnııa jáne Gertsegovına kezdesýi ótedi. Matchty "Qazaqstan" men KazSport telearnalarynan kóre alasyzdar.
