ÁCh-2014: Búgin Brazılııa men Germanııa fınalǵa beriler joldamany sarapqa salady
ASTANA. QazAqparat - Búgin Brazılııada ótip jatqan fýtboldan álem chempıonatynyń jartylaı fınaldyq básekesinde Brazılııa men Germanııa quramalary ózara kim myqtyny anyqtaıdy.
Belý-Orızontı qalasy «Mıneraý» stadıonynda ótkeli otyrǵan match Astana ýaqyty boıynsha 02:00-de bastalady.
Aıta keteıik, bul kezdesýge brazılııalyqtardyń kóshbasshysy Tıagý Sılva men komandanyń úzdik shabýylshysy Neımar alańǵa shyǵa almaıdy.
Statıstıkaǵa keletin bolsaq, Germanııa men Brazılııa álem chempıonattarynyń rekordsmenderi bolyp tabylady. Álem birinshilikterinde 220 gol soqqan brazılııalyqtar birinshi orynda kele jatyr, al Germanııa quramasy 216 dop kórsetkishimen ekinshi orynda. Nemister birinshilikte jalpy 104 match ótkizip, rekord ornatsa, brazılııalyqtar 102 matchpen olardan qalysar emes. Ózara 24 kezdesýde jartysynan kóbin brazılııalyqtar jeńiske jetken (+13=6-5, goldar 43-29).
Ronaldo men Mıroslav Kloze álem chempıonattarynda 15 goldan salyp, álemdik rekordta kósh bastap keledi.
Brazılııa men GFR/Germanııa álem birinshiliginiń fınalyna 7 retten shyqqan. Bul da eń úzdik kórsetkish.
Quramalardyń aldyn ala quramy:
Brazılııa: Jýlıý Sezar - Maıkon, Dante, Davıd Lýız, Marselý - Paýlınıý, Lýız Gýstavý, Fernandınıý - Oskar, Fred, Halk.
Germanııa: Noıer - Lam, Boateng, Hýmmels, Hevedes - Hedıra, Shvaınshtaıger, Kroos - Ezıl, Mıýller, Podolskı.
