ÁCh-2014: Brazılııada taǵy bir argentınalyq sport tilshisi qaza tapty
ASTANA. QazAqparat - Brazılııada fýtboldan álem chempıonatynan habar taratyp júrgen argentınalyq jýrnalıst Horhe Lopes qaza tapty. Ol áıgili Ole sport basylymy men radıoda qyzmet etken.
Jergilikti BAQ-tyń habarlaýynsha, qaıǵyly oqıǵa Argentına men Nıderlandy quramalary kezdesetin San-Paýlý qalasynda oryn alǵan. 38 jastaǵy argentıkalyq tilshi qonaqúıge taksımen qaıtyp kele jatqanda, ol mingen kólik kóshe qıylysynda polıtseılerdiń qýǵynyna ushyraǵan avtokólikke soǵylǵan. Jýrnalıst apat ornynda birden kóz jumǵan. Al taksı júrgizýshisi jaraqattanǵan. Soǵylǵan kóliktegi úsh adam jeńil jaraqatpen qutylǵan. Aıta keteıik, Horhe Lopes Brazılııadaǵy fýtboldan álem chempıonaty kezinde qaza tapqan ekinshi argentınalyq jýrnalıst bolyp otyr. Ótken aptada 26 jastaǵy argentınalyq Marııa Soledad Fernandes te Argentına quramasynyń Shveıtsarııamen matchynan soń San-Paýlýdan Belý-Orızontıge qaıtyp kele jatqanda jol-kólik oqıǵasynda ajal qushqan edi, dep jazady ITAR-TASS.
