ÁCh-2014: Brazılııa prezıdenti qurama fýtbolshylaryn moıymaýǵa shaqyrdy
ASTANA. QazAqparat - Brazılııa prezıdenti Dılma Rýseff fýtboldan bıylǵy álem chempıonatynda Germanııaǵa qarsy jartylaı fınaldyq oıynnan keıin málimdeme jasady.
Sheteldik BAQ-tyń jazýynsha, prezıdent óziniń Twitter-degi paraqshasynda jankúıerler men fýtbolshylardy Brazılııa quramasy jeńilisinen moıymaýǵa shaqyrdy. Osy oraıda ol qurama oıynshylaryna bastaryn kóterip, aldaǵy oıynǵa jigerlene qatysý kerektigin atap ótti.
Budan buryn Brazılııa quramasynyń bas bapkeri Lýız Felıpe Skoları ulttyq komandanyń sátsiz oıyn kórsetip, Germanııadan jeńilýine jaýapkershilikti óz moınyna aldy.
Baspasóz máslıhaty barysynda bas bapker jankúıerler aldynda keshirim surady.
«Oıyndaǵy nátıje úshin keshirim suraǵym keledi», - dep keltiredi Football Espana Skolarıdiń sózin. - Biz jeńilip jatqanymyzǵa qaramastan, komandaǵa qoldaý kórsetken jankúıerlerge alǵys aıtamyn. Jeńiliske men kinálimin jáne sol úshin jaýapkershilik arqalaýym tıis. Esep bizdiń oıynymyzǵa baılanysty boldy dep eseptemeımin. Biz baqylaýdy qoldan sýsytyp aldyq, bul árıne jaqsy emes, biraq mundaı oqıǵalar oryn alyp turady».
Esterińizge sala keteıik, Brazılııada ótip jatqan fýtboldan álem chempıonatynyń jartylaı fınaldyq básekesinde Brazılııa Germanııa quramasynan 7:1 esebimen oısyraı jeńilgen bolatyn.
Endi Brazılııa quramasy úshinshi oryn úshin básekege túsetin bolady.
