ÁCh-2014: Brazılııa Neımarsyz qaldy, bar úmit qorǵanysta
ASTANA. QazAqparat - Fýtboldan álem chempıonatynda jartylaı fınalǵa shyqqan Brazılııa endi Neımarsyz oınaıtyn boldy.
Kolýmbııamen bolǵan matchta Neımar omyrtqasyn jaraqattap aldy. Mýndıaldaǵy qalǵan oıyndaryn brazılııalyqtar shabýylshysyz ótkizedi. Quramanyń bas dárigeri Rodrıgo Lasmardyń aıtýynsha, komandanyń kóshbasshysy úshin bul birinshilik aıaqtaldy. Kolýmbııalyq fýtbolshy Hýan Sýnıgamen bolǵan qaqtyǵysta Neımardyń bel omyrtqasyna zaqym kelgen. Dárigerdiń sózine qaraǵanda, jaraqat qatty bolmasa da, fýtbolshyǵa belgili bir ýaqyt qozǵalyssyz jatý kerek.
"Jaraqat sonshalyqty aýyr dep aıta almaımyn, meniń oıymsha, ota jasaý kerek emes", - deıdi R. Lasmar. - Ókinishke oraı, álem chempıonaty ol úshin aıaqtaldy", - dep atap ótti ol.
Jartylaı fınaldyq kezeńde pentakampeondar azýly Germanııa quramasymen kezdesetinin aıta keteıik.
