ÁCh-2014: Brazılııa Kolýmbııany joldan yǵystyrdy - VIDEO
ASTANA. QazAqparat - Búgin Brazılııada fýtboldan álem chempıonatynyń shırek fınalynda Brazılııa quramasy Kolýmbııany 2:1 esebimen jeńip, jartylaı fınalǵa shyqty.
Alǵashqy goldy 7-mınýtta komanda kapıtany Tıago Sılva salǵan bolatyn. Ekinshi taımda pentakampeondardyń qorǵaýshysy Davıd Lýız aıyp dobyn teýip, kolýmbııalyqtarǵa ekinshi goldy engizdi.
Degenmen oıyn sońyna qaraǵan shaqta brazılııalyqtar óz aıyp alańdarynda ereje buzdy jáne bas qazy toǵyz metrlik belgiledi. Ony chempıonattyń eń úzdik shabýylshysy Hames Rodrıges múltiksiz oryndap, mýndıaldaǵy goldarynyń sanyn 6-ǵa deıin jetkizdi.
Aıta keteıik, oıyn aıaqtalar shaqta Brazılııanyń juldyzdy surmergeni Neımar jaraqat alyp qaldy. Onyń kelesi matchqa shyǵý ne shyqpaýy belgisiz qalyp otyr.
Endi jartylaı fınalda Brazılııa Germanııamen kezdesedi.
