ÁCh-2014: Brazılııa-Germanııa matchy rekordtyq 35,6 mln. tvıt jınady
ASTANA. QazAqparat - Germanııa men Brazılııa quramalarynyń arasyndaǵy fýtboldan álem chempıonatynyń jartylaı fınaldyq oıyny kezinde Twitter mıkroblogynda jankúıerler rekordtyq 35,6 mln. habarlama qaldyrdy, dep málim etti áleýmettik jeliniń baspasóz qyzmeti.
Brazılııalyqtar seısenbide Belý-Orızontı qalasyndaǵy «Mıneırao» stadıonynda nemisterden 1:7 esebimen utyldy. Bul brazılııalyqtardyń álem chempıonatyndaǵy eń iri jeńilisi boldy. Osy oıyn kezindegi habarlamalar sany absolıýttik rekordqa jetti. Osyǵan deıingi rekord 1/8 fınalyndaǵy brazılııalyqtar men chılılikter arasyndaǵy matchta ornatylǵan bolatyn (16,4 mln. habarlama).
Áleýmettik jelini paıdalanýshylardyń belsendiligi nemis fýtbolshysy Tonı Kross soqqan tórtinshi goldan keıin kúrt artty.
Al eń kóp esimderi atalǵan tulǵalar - brazılııalyqtardyń qaqpashysy Jýlıo Sezar men álem chempıonatynyń fınaldyq oıyndaryndaǵy gol sany jaǵynan úzdigi, álem birinshiliginiń tórt jartylaı fınaldyq matchyna qatysqan brazılııalyq Ronaldonyń rekordyn jańartqan nemis shabýylshysy Mıroslav Kloze.
