ÁCh-2014: Belgııa men AQSh quramalarynyń overtaımdaǵy sýper shaıqasynda eýropalyqtar jeńiske jetti - VIDEO
ASTANA. QazAqparat - Búgin Brazılııada fýtboldan álem chempıonatynyń 1/8 fınaly kezeńinde Belgııa men AQSh quramalary kezdesti.
Bul matchta da mýndıaldiń kezekti overtaımy tirkeldi. Negizgi oıyn kezeńderinde esep ashylmady.
Al overtaımnyń basynda (92-mınýt) De Brıýıne amerıkalyqtardyń qaqpasyna alǵashqy goldy salsa, 105-mınýtta Lýkakký ulttyq komandasynyń basymdyǵyn eseleı tústi. Biraq 107-mınýtta alańǵa jańadan shyqqan 1995 jylǵy Grınn belgııalyqtardyń qaqpasyna dop salyp, amerıkalyqtardyń úmit otyn jaǵa tústi. AQSh quramasynda esepti teńestiretin birneshe múmkindikteri boldy. Oıyn sońynda jan alysyp, jan berisken komandalar qarqyndy shabýyldarǵa bas qoıdy. Biraq match 2:1 esebimen Belgııa paıdasyna sheshildi.
Aıta keteıik, atalmysh kezdesýde belgııalyqtar AQSh quramasynyń Tım Hovard qorǵaǵan qaqpasyna 36 soqqy baǵyttaǵan. Bul kórsetkish álem rekordy bolyp tirkeldi.
Álem chempıonatynyń 1/4 fınalynda Brazılııa Kolýmbııamen, Frantsııa Germanııamen, Nıderlandy Kosta-Rıkamen, al Belgııa Argentınamen kúsh synasady.
