ÁCh-2014: Argentına prezıdenti fınaldyq matchqa barmaıtyn boldy
ASTANA. QazAqparat - Krıstına Fernandes de Kırshner Brazılııadaǵy álem chempıonatynyń 13 shildede ótetin aqtyq synyna barmaıtyn boldy.
Bul týraly Argentına prezıdenti óziniń brazılııalyq áriptesi Dılma Roýsseffke jazǵan hatynda málim etti, delingen baspasóz qyzmeti taratqan habarlamada.
Memleket basshysy Brazılııa prezıdentiniń shaqyrýyna alǵys aıta kele, bir aptadan beri jutqynshaqtyń qabynýynan aýyryp júrgenin jáne tolyqqandy jumys isteýge qabiletsiz ekenin atap ótken.
Sondaı-aq Krıstına Fernandes de Kırshner óz hatynda bul derttiń BRIKS (Brazılııa, Reseı, Úndistan, Qytaı, OAR) sammıtine qatysýyna kedergi bolmaıtynyn jetkizgen.
Alqaly jıyn Brazılııanyń Fortaleza qalasynda 15-16 shildede ótedi.
