ÁCh-2014: Argentına quramasynyń fınaldaǵy jeńisi úshin barlyq nagradamdy berýge daıynmyn - Lıonel Messı
ASTANA. QazAqparat - Argentına qurama komandasynyń kapıtany Lıonel Messı barlyq jeńisi men syılyqtaryn álem chempıonatyndaǵy jeńis úshin bere salýǵa ázir ekenin aıtty, dep jazady «ITAR-TASS»
«Týrnırdiń úzdik oıynshysy atanǵannan góri álem chempıonatyn utyp alǵandy artyq sanaımyn. Sol úshin nagradalarymdy álem chempıony tıtýly úshin qýana-qýana bere salar edim. Álem birinshiliginde jeńiske jetý - fýtbolshy úshin eń úlken jetistik. Bul arman dop qýyp júrgen bala kezińde júregińe ornaıdy da eshqashan joǵalmaıdy», - dedi Messı.
Esterińizge sala keteıik, Halyqaralyq fýtbol qaýymdastyǵy federatsııasy (FIFA) 2014 jylǵy álem chempıonatyndaǵy «Altyn dop» syılyǵyna on úmitkerdiń aty-jónin jarııalaǵan bolatyn. Sonyń ishinde Messı de bar.
