ÁCh-2014: AQSh quramasy birinshiliktegi eń jyldam goldy saldy - VIDEO
ASTANA. QazAqparat - Búgin Brazılııada fýtboldan álem chempıonatynyń toptyq kezeńinde Gana men AQSh quramalary kezdesip, mýndıaldaǵy alǵashqy oıyndaryn ótkizdi.
Aıta keteıik, AQSh komandasynyń kapıtany Klınt Dempsı oıynnyń 29-sekýndynda gol soqty. Bul Brazılııadaǵy álemdik dodanyń eń jyldam goly bolyp otyr. Osydan keıin Gana quramasy úlken kúshpen alǵa shyqty, degenmen olardyń qolynan esepti teńestirý birinshi taımda kelgen joq. Ekinshi taımda da afrıkalyqtar shabýyldaryn mınýt ótken saıyn údetýin jalǵastyra berdi. 82-mınýtta ganalyqtar Aıýdiń goly arqyly esepti teńestire aldy. Biraq birneshe mınýttan soń AQSh quramasy taǵy alǵa shyqty. Buryshtama soqqysynan keıin Djon Brýks baspen dopty qaqpaǵa dál kózdedi.
