Acer korporatsııasy dıagonali 10 dıýımdyq sensorly ekranmen jaraqtandyrylǵan ICONIA TAB W500 planshetin usynyp otyr

Qazaqstandaǵy Acer CIS inc-tiń ókildiginiń dırektory Ashat Muhıtdınov bul planshet birden-bir ınnovatsııalyq sheshim bolyp tabylatyndyǵyn, ol tolyqqandy klavıatýrasy bar dok-stansamen jabdyqtalǵandyqtan jol ústinde, ústel basynda jumys isteý kezinde ońtaıly, ári yńǵaıly paıdalanýǵa laıyqtalǵandyǵyn aıtady.

Dok-stansasy, dıagonali 10,1 dıýımdyq mýltısensorly ekrany, Windows-tyń úırenshikti operatsııalyq ortasy men qýatty protsessorynyń arqasynda ICONIA TAB W500 plansheti kóptegen mindetterdi jeńil oryndaýǵa múmkindik beredi jáne sensorly basqarýdyń jańa tájirıbesin usynady.

«Acer ICONIA TAB W500 paıdalanýshylarǵa áleýmettik jelilerde jańalanǵan jáıtterden habardar bolýǵa, sońǵy jańalyqtarmen tanysýǵa, veb-saıttardy qarap shyǵýǵa, poshtany tekserýge, fılmderdi tamashalaýǵa, prezentatsııalarǵa qatysty jumystar júrgizýge jáne qyzyqty oıyndar oınaýǵa múmkindik beredi», -deıdi Qazaqstan men Ortalyq Azııadaǵy AMD tóraǵasy Alan Namazbaev.

Salmaǵy shamamen 1 keli jáne kólemi kádimgi jýrnaldan da shaǵyn ICONIA TAB W500 plansheti alyp júrýge jeńil ári yńǵaıly, bir ýaqytta birneshe fýnktsııany tanıtyn jáne búkil ornatylǵan fýnktsııalar men qosymshalarǵa bir sátte qoljetimdiligin qamtamasyz etetin biregeı Acer Ring qabyǵynyń arqasynda ońaı paıdalanýǵa bolady eken.

«Kóptegen operatsııalarǵa baılanysty ICONIA TAB W500-ge qarapaıym qosylý tán, onyń ishinde Wi-Fi, 3G nemese Bluetooth. sonymen qatar qurylymnyń aldyńǵy jáne artqy panelderinde ornalasqan Acer Crystal Eye 1,3 Mp vep-kameralary paıdalanýshylarǵa beıne-chattarǵa qatysýǵa nemese joldastarymen beıne-konferentsııalar uıymdastyrýǵa jáne de HD beınejazba jazyp, ony áleýmettik jelilerge ornalastyrýǵa múmkindik beredi», -deıdi Acer-diń Ortalyq Azııa men Kavkaz elderi boıynsha aımaqtyq menedjeri Alekseı Klochkov.