Abzal Shynasyl: sottalýshylardyń bireýi Sherzatqa pyshaq saldy

TALDYQORǴAN. KAZINFORM – Jetisý oblysynyń mamandandyrylǵan aýdanaralyq sotynda Sherzat Polattyń ólimine qatysty qylmystyq is qaralyp jatyr.

Sot barysynda aıyptalýshy Abzal Shynasyl suraqtarǵa bergen jaýabynda tóbelesti kim bastaǵanyn bilmeıtinin aıtty.

– Beınejazbadan ǵana Sherzattyń Nurqııasty urǵanyn kórdim. Sherzatqa kim pyshaq salǵanyn naqty bilmeımin, pyshaqtaǵan adam Belǵojaev emes dedi, – dedi ol.

Sonymen qatar, Sherzattyń pyshaqtalýy men kelmeı turyp bolǵan sııaqty dep atap ótti. 

Shynasyl sot otyrysynda «Hýtor» dep atalyp ketken qylmystyq topqa da qatysty pikir bildirdi. Onyń aıtýynsha, bul topqa esh qatysy joq.

– BAQ bizdi «bandıt», «hýtorskıı» dep jaýyz etip kórsetti. Biz qarapaıym aýyldyń balalarymyz. «Hýtor» – aýyldyń eski ataýy, qazirgi ataýy – Turar Rysqulov. Nege olaı jazyp jatqanyn túsinbeımin, – dedi sottalýshy.

Aıta keteıik, Abzal Shynasyl kimdi pyshaqtaǵanyn aıtty.

Sherzat isindegi basty aıyptalýshy osyǵan deıingi sózinen bas tartqany jaıly jazǵan bolatynbyz.

Eske sala keteıik, Sherzat Polattyń ólimine qatysty sotta taǵy bir sottalýshy aıyptaý aktisimen kelispeıtinin aıtqan.

Taǵy bir sottalýshy Nurqııas Іlııasov myltyqpen urý sebebin túsindirse, Azamat Toqtaýbaev ótirik aıǵaq bergenin rastady.

Kámeletke tolmaǵan taǵy bir aıyptalýshy Dýman Ysqaq ózine taǵylǵan aıypty moıyndamady.

Aıta keteıik, Sherzat Polattyń ólimi boıynsha alǵashqy sot otyrysynda prokýror oqıǵanyń tolyq hronologııasyn baıandady.

Byltyr 4 qazan kúni tóbelesten 16 jastaǵy jasóspirim qaza bolǵanyn jazǵan edik.

2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

2024 jyldyń jeltoqsan aıynda Talǵar mańynda Sherzattyń aǵasy Nurqanat Ǵaıypbaevtyń denesi tabyldy.