Abzal Saparbekuly Qazaqstannyń Majarstandaǵy Tótenshe jáne ókiletti elshisi bolyp taǵaıyndaldy
ASTANA. KAZINFORM - Abzal Saparbekuly Qazaqstannyń Majarstandaǵy Tótenshe jáne ókiletti elshisi bolyp taǵaıyndaldy. Bul týraly Aqordanyń baspasóz qyzmeti habarlady.
«Memleket basshysynyń Jarlyǵymen Abzal Saparbekuly Qazaqstan Respýblıkasynyń Majarstandaǵy Tótenshe jáne Ókiletti Elshisi laýazymyna taǵaıyndaldy», - delingen qujatta.
Memleket basshysynyń Jarlyǵymen Jánibek Jarasqan-uly Ábdrashov Qazaqstan Respýblıkasynyń Majarstandaǵy Tótenshe jáne ókiletti elshisi laýazymynan bosatyldy.
Abzal Saparbekuly 1975 jylǵy tamyzda Jambyl oblysynyń Qaırat aýylynda týǵan. 1999 jyly Orta-Shyǵys tehnıkalyq ýnıversıtetin (Túrkııa) bitirdi.
Eńbek jolyn 1999 jyly Astana qalasyndaǵy «Okan-Inter-Kontınental» qonaq úıiniń aýdıtory retinde bastaǵan.
Óziniń dıplomatııalyq qyzmetin 2000 jyly Qazaqstan Respýblıkasy Syrtqy ister mınıstrliginiń Ekijaqty yntymaqtastyq departamentiniń Taıaý jáne Orta Shyǵys, Maǵrıb jáne Afrıka bóliminiń referenti laýazymda bastady.
2003-2008 jyldar aralyǵynda Túrkııadaǵy QR Elshiliginde attashe, úshinshi jáne ekinshi hatshysy laýazymdarynda qyzmet etti.
2008 jyly «Qazaqstan temir joly» UK» AQ Halyqaralyq yntymaqtastyq jáne protokol departamentiniń dırektory bolyp taǵaıyndaldy.
2008-2011 jyldary Jeneva qalasyndaǵy BUU bólimshesi men basqa da halyqaralyq uıymdar janyndaǵy QR Turaqty ókildiginiń keńesshisi retinde qyzmetin atqardy.
2011-2017 jyldary Ystanbul qalasynda Túrkitildes memleketterdiń yntymaqtastyq keńesi Hatshylyǵynyń dırektory, Túrkitildes memleketterdiń yntymaqtastyq keńesi Bas hatshysynyń orynbasary bolǵan.
2017-2022 jyldary Qazaqstannyń Túrkııadaǵy Elshisi jáne Albanııadaǵy Elshisi qyzmetin qosa atqarýshysy bolǵan.
2022-2024 jyldary «Otandastar» qoryn basqardy.
Qazaqstannyń Majarstandaǵy Elshisi bolyp taǵaıyndalǵanǵa deıin 2024 jylǵy mamyr aıynan bastap QR SІM Erekshe tapsyrmalar jónindegi elshisi boldy.
І synypty Tótenshe jáne Ókiletti Ýákil dıplomatııalyq dárejege ıe.
Túrik jáne aǵylshyn tilin meńgergen.
