Abzal Núkenov Prezıdent Ákimshiligi Іshki saıasat bóliminiń meńgerýshisi boldy

ASTANA. KAZINFORM – Aqorda Abzal Núkenovtiń Prezıdent Ákimshiligi Іshki saıasat bóliminiń meńgerýshisi laýazymyna taǵaıyndalǵanyn habarlady.

- Memleket basshysynyń ókimimen Aıjan Bolatqyzy Shaınazarova Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi laýazymynan bosatyldy.

Abzal Núkenuly Núkenov Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi laýazymyna taǵaıyndaldy, - dep jazdy resmı derekkózden.

Abzal Núkenov 1978 jyly 21 shildede Almaty oblysynda dúnıege keldi.

1995 - 2000 jyldar aralyǵynda ál-Farabı atyndaǵy QazUÝ-de «Saıasattaný» mamandyǵy boıynsha bilim aldy. Saıası ǵylymdar kandıdaty (2004 j.)

2000 - 2005 jyldar – «Otan» partııasy Ortalyq apparatynyń ıdeologııalyq bólimshesi sektorynyń meńgerýshisi, keńesshi.

2005 – 2006 jyldar – Almaty q. Іshki saıasat departamentiniń úkimettik emes uıymdarmen jáne dinı birlestiktermen jumys bóliminiń basshysy.

2006 jylǵy qyrkúıekte Almaty q. Áýezov aýdany ákiminiń orynbasary bolyp taǵaıyndaldy.

2009-2011 jyldar – L.N. Gýmılev atyndaǵy Eýrazııa ulttyq ýnıversıtetiniń Zamanaýı zertteýler ınstıtýtynyń dırektory.

2011-2016 jyldar – QR Qaýipsizdik Keńesi Aýmaqtyq ortalyǵynyń sektor meńgerýshisi, meńgerýshiniń orynbasary, meńgerýshi.

2016 jyly QR din isteri jáne azamattyq qoǵam vıtse-mınıstri bolyp taǵaıyndaldy.

«Eren eńbegi úshin» medalimen marapattalǵan.

Buǵan deıin Qanat Qulshymanovtyń jańa qyzmetke taǵaıyndalǵanyn jazdyq.