Abzal Quspan: Tergeý ızolıatoryna sanktsııamen túsken azamattardy azaptap jatqan joq
«Bizdiń tikeleı mindetimizge kirmese de, tergeý ızolıatoryna kirgen kezde shaǵym aıtqan azamattardyń aryzdaryn jazyp alyp, ol boıynsha Bas prokýratýraǵa 4 bettik usynysymyzdy jetkizdik. Alǵashqy uryp-soǵý azaptaý jaǵdaılary ustaý kezinde bolǵan. 5-6 qańtar jappaı tártipsizdik bolsa, shamamen, 8, 9, 10 qańtar aralyǵynda jappaı ustaý sharalary júrgizildi. Osy kezde sondaı áreketke jol berildi, - dedi ol BAQ ókilderine arnalǵan brıfıng barysynda.
Onyń atap ótýinshe, ustalǵan kezde quqyq qorǵaý organdary tarapynan jábir kórgen azamattardyń isin prokýratýra men jemqorlyqqa qarsy qyzmet tekseredi. Almaty qalasy jáne ózge óńirlerde Antıkor tarapynan ishki ister organdary qyzmetkerlerine qatysty qozǵaǵan qylmystyq ister bar.
«Taldyqorǵan qalasynda azamat Batyrbaevtyń qandaı jaǵdaıǵa ushyraǵanyn táptishtep jazyp bergen bizdiń komıssııa bolatynyn. Arqasyna útik basqanyn, qandaı halde jatqanyn merzimderimen kórsettik. Ondaı jaǵdaılardy biz ashyq aıttyq. Olarǵa qatysty Bas prokýratýra da áser etip, jumys istep jatyr. Qamaýǵa oq tıip jaraqat alǵan azamattardyń jaǵdaıy sol jerde jiti qaraldy. Biraq biz eń aldymen osyndaı sanatty bosatý isterimen aınalystyq. Al tergeý ızolıatoryna sottyń sanktsııasymen túsken azamattardy azaptap jatyr dep aıta almaımyz. Sebebi bizge túsken aryz-shaǵymdardyń barlyǵy ustaý kezinde bolǵanyn aıtady, - dedi advokat.
