Abzal Quspan: Memleket basshysynyń qańtar oqıǵalaryn jan-jaqty tergelýin talap etip otyrǵany bizge kúsh berdi
«Qańtar oqıǵasyna baılanysty «Amanat» komıssııasynyń jumysyna toqtalǵan A. Quspan: «Birinshiden, bizge osyndaı múmkindik týdyryp, qoldaǵany úshin Memleket basshysy Qasym-Jomart Kemelulyna komıssııa atynan jáne biz qorǵaǵan júzdegen azamattyń atynan alǵys bildirgim keledi. Memleket basshysynyń osy oqıǵalar oryn alǵan kezdegi tabandy sheshimi, oqıǵa boıynsha alǵashqy kezeńnen bastap elge ashyq suhbat berip, qoǵamdy mazalaǵan suraqtarǵa batyl jaýap bergeni, basynan bastap tergeý organdarynan bolǵan oqıǵany meılinshe ashyq ári obektıvti, jan-jaqty tergelýin talap etip otyrǵany bizge de erekshe kúsh-jiger syılaǵanyn aıtqym keledi. Biz jáne bizden bólek qurylǵan basqa da komıssııalar osy maqsatta jumys istedi», - dedi A. Quspan Májilistiń jalpy otyrysynda.
Osy oraıda ol ózi qatysqan komıssııanyń maqsaty qańtar oqıǵasy kezinde qylmystarǵa qatysy joq, tek beıbit sherýge shyqtyq dep oılap, arandap qalǵan nemese jasaǵan qylmystyq is-áreketteri, densaýlyǵy, áleýmettik mártebesi, sondaı-aq basqa da jaǵdaılarǵa baılanysty qoǵamǵa qaýip tóndirmeıtin tulǵalardy anyqtap, olardyń bas sharasyn ózgertý, keıinnen qylmystyq is orbıtasynan alyp shyǵarý bolǵanyn aıtty.
