Abzal Quspan: Qańtar oqıǵasyna qatysty azamattardyń ustalýyna saıası baǵa berý durys emes

NUR-SULTAN. QazAqparat – Qańtar oqıǵasynda ustalǵan azamattardyń arasynda jazyqsyzdar áli de bar. Bul týraly «Amanat» komıssııasynyń tóraǵasy Abzal Quspan málim etti, dep habarlaıdy QazAqparat tilshisi. komıssııasynyń tóraǵasy

«Qazir komıssııa jumysy jalǵasyp jatyr. Bizge bılik tarapynan jumys isteýge múmkindik berildi. Sondyqtan saıası suraqtarǵa saıası baǵa berý durys emes dep esepteımin. Sebebi bizdiń aldymyzda áli de qyzmetimizge muqtaj jandar bar. Sol sebepti menińshe, dál qazir saıası baǵa berýdi durys emes. Odan da naqty otyrǵan azamattarǵa kómek qolyn sozyp, olarǵa kómektesken durys dep esepteımin», - dedi Abzal Quspan brıfıng barysynda BAQ ókilderiniń saýalyna oraı.

Osy rette komıssııa múshesi Mádı Myrzaǵaraev balasy, kúıeýi, ákesi qamaýda otyrǵan jandar qoǵamnyń, advokattardyń kómegine zárý ekenindigin basa aıtty.

«Sondyqtan bul jerde «kim kináli?», «kimniń qatesi?», «qatelikti kim jiberdi?» dep daýlasyp otyrǵannan góri olarǵa kómek kórsetken áldeqaıda paıdaly. Daý-damaıǵa tarıh jaýap beredi. Oǵan erteń saıası baǵa beriledi, halyq baǵa beredi. Onyń máselesi sheshiledi. Alaıda qazir kezek kúttirmeıtin másele – qamaýda otyrǵan, jazyqsyz ketip qalmasyn degen jastarǵa kómek kórsetý», - dedi ol.