Abzal Quspan Qańtar oqıǵasy qaıtalanbaýynyń jalǵyz jolyn atady

ASTANA. QazAqparat – Jańa Qazaqstan – Ádiletti Qazaqstan kontseptsııasyn iske asyrý Qańtar sııaqty oqıǵalardyń bolashaqta qaıtalanýyn boldyrmaýdyń jalǵyz joly. Bul týraly Májilistiń jalpy otyrysynda «Amanat» qoǵamdyq komıssııasynyń tóraǵasy Abzal Quspan aıtty, dep habarlaıdy QazAqparat tilshisi.

«Osy jerde otyrǵan bılik ókilderin bolsyn, depýtattar, qoǵam belsendileri, jalpy eldegi problemalarǵa beı-jaı qaramaıtyn sanaly azamattardy mazalaıtyn basty másele ol – qasiretti Qańtar sııaqty oqıǵalardyń bolashaqta qaıtalanýyn boldyrmaý dep bilemin. Onyń jalǵyz ǵana joly Memleket basshysy bekitken Jańa Qazaqstan – Ádiletti Qazaqstan kontseptsııasynyń sóz júzinde qalyp qoımaı iske asýynda jatyr. Olaı deýimizge sebep, biz komıssııa quramynda júrip, qamaýdaǵy azamattarmen jeke kezdesý, suhbattasý barysynda olardyń alańǵa shyǵýyna túrti bolǵan eń negizgi faktor ol – ádiletsizdik ekenine kóz jetkizdik. ıAǵnı, áleýmettik-ekonomıkalyq jaǵdaıdan buryn osy ádiletsizdikke degen tózbestik sezim eldiń jappaı alańǵa shyǵýyna sheshýshi ról atqarǵan degen qorytyndyǵa keldik», - dedi ol.

Foto: Valery Sharifulin/TASS via GETTY IMAGES