Abzal Quspan: Arandatýshylyq áreket áli jalǵasýda, bul alańdatarlyq jaıt

ASTANA. QazAqparat - Adam quqyǵyn qorǵaýmen aınalysatyn uıym arandatýshylyqpen aınalysqan. Bul týraly Májilistiń jalpy otyrysynda «Amanat» qoǵamdyq komıssııasynyń tóraǵasy Abzal Quspan aıtty, dep habarlaıdy QazAqparat tilshisi.

«Bizdiń qolymyzda joldasy qaza bolǵan, úsh balasymen áreń jan baǵyp otyrǵan áıel adamdy tyrnaqshanyń ishindegi quqyq qorǵaý uıymy óz maqsatyna paıdalanǵany týraly naqty málimet bar. Ol áıeldi Almaty, Astana qalalarynda mıtıngke shyǵýǵa úgittep, kóndirgen. Keıin belgili bolǵandaı, sol «adam quqyǵyn qorǵaýmen aınalysatyn uıym» ol áıelge Almatydan Astanaǵa jáne keri baǵytta áýe bıletin alyp, 4 juldyzdy qonaq úıge ornalastyryp, al úıde qalǵan sábılerine bala kútýshi jaldaǵan. Onyń alańsyz mıtıngilerge qatysýyna jaǵdaı jasaǵan. ıAǵnı, arandatýshylyq baǵyttaǵy is-áreketter tek qańtar oqıǵasy kezinde ǵana kórinis tapqan joq. Ol memlekettik quqyq qorǵaý organdar tarapynan da, adam quqyǵyn qorǵaýmen aınalysatyn jekelegen qoǵamdyq ınstıtýttar tarapynan da kúni búginge deıin jalǵasyn tabýda. Bizdiń oıymyzsha, bul alańdatarlyq jaǵdaı»,- dedi advokat.