Abzal Quspan: Advokatýra ınstıtýty – adam quqyqtaryn qorǵaýdyń tikeleı tetigi
ASTANA. KAZINFORM - QR Parlamenti Májilisiniń depýtaty Abzal Quspan Konstıtýtsııa jobasyndaǵy basty jańalyqtardyń biri – advokatýra ınstıtýtynyń Ata Zańda bekitilýi ekenin atap ótti.
Depýtattyń aıtýynsha, Konstıtýtsııa eńbektegen baladan eńkeıgen kárige deıin ár azamattyń ómirine áser etetin asa mańyzdy saıası-quqyqtyq qujat.
Osy turǵydan alǵanda advokatýra ınstıtýtyn Konstıtýtsııaǵa engizý onyń preambýlasynda kórsetilgen Ádiletti Qazaqstan, Zań men tártip qaǵıdattarymen jáne halyqaralyq deńgeıde moıyndalǵan Mıranda quqyǵymen tikeleı baılanysty.
- Eger bul qaǵıdattar Konstıtýtsııada bekitilip, al advokatýraǵa qatysty másele sheshimin tappaǵanda, olar deklaratsııa deńgeıinde qalyp qoıar edi.
Sebebi advokatýra ınstıtýty adam quqyqtaryn naqty ómirde iske asyratyn tikeleı mehanızm bolyp tabylady, – dedi Abzal Quspan.
Osyǵan deıin Konstıtýtsııa jobasyna qatysty Abaı atyndaǵy QazUPÝ áleýmettik ǵylymdar kafedrasynyń meńgerýshisi, saıası ǵylymdar doktory Jomart Simtikovtiń pikirin bergen edik.