Abzal Ájiǵalıev álem reıtınginde kósh bastady
ASTANA. QazAqparat - Qazaq sporty tarıhynda tuńǵysh ret short-trek sportynan 500 metr qashyqtyqta qazaq ulany Abzal Ájiǵalıev álemdik reıtıngtiń kóshin bastady, dep habarlaıdy QazAqparat tilshisi.
Osydan biraz kún buryn Amerıkanyń Solt-Leık-Sıtı qalasynda short-trek sportynan álem kýbogynyń ekinshi kezeńi máresine jetti. Birinshi kezeńniń qorytyndysy boıynsha 500 metr qashyqtyqta bas júldeni jeńip alǵan jerlesimiz ekinshi kezeńde de fınalǵa deıin súrinbeı jetken bolatyn. Osy eki kezeńniń qorytyndysy boıynsha ol álem reıtınginde kósh bastady.
Aıta keteıik, Abzal Ájiǵalıev Batys Qazaqstannyń Syrym aýdanynda dúnıege kelgen. Oralda jabyq muz aıdyny saraıy ashylǵannan keıin short-trekten Qazaqstannyń eńbek sińirgen jattyqtyrýshysy Mádiǵalı Qarsybekov daıyndaǵan talantty sportshylardyń biri. A.Ájiǵalıev Sochı Olımpıadasynda negizin batysqazaqstandyqtar quraǵan QR quramasy sapynda 5 myń metrlik estafetalyq synda besinshi oryndy ıelendi. Endi ol - Almaty qalasynda aldaǵy jyly ótetin qysqy Ýnıversıadaǵa qatysýǵa basty úmitkerlerdiń biri.
Týrnırlik keste:
Rank Name ISU Member CAN CAN USA CHN CHN KOR GER BLR Total 1 AZHGALIYEV Abzal KAZ 5120 2097 10000 17217 2 GIRARD Samuel CAN 10000 5120 15120 3 LIU Shaolin Sandor HUN 10000 4096 14096
