Abzal Ájǵalıev: Sońǵy sátke deıin kúresemiz

MILAN.KAZINFORM – Qazaqstan short-trekshileri Italııada ótip jatqan XXV qysqy Olımpıada oıyndaryndaǵy jarys jolyna shyqty.

Mılan muz arenasynda ıAna Han, Olga Tıhonova, Denıs Nıkısha jáne Abzal Ájǵalıev el namysyn qorǵady.

Ulttyq qurama sportshysy Abzal Ájǵalıev alǵashqy kúndi qortyndylap, alda áli tartysqa toly báske kútip turǵanyn eske saldy.

- Búgin biz úshin alǵashqy jarys kúni. Meniń oıymsha, bul bizge tartysqa toly báseke aldyndaǵy shaǵyn test boldy. Dodada óner kórsetýimizdi jalǵastyramyz, jekeleı synda jarystarymyz bar. Sol sebepti bar kúshimizdi salyp, sońyna deıin kúresemiz, - dedi ol.

Ájǵalıev Olımpıadaǵy short-trek sportynyń deńgeıi óte joǵary ekenin jasyrmady.

- Ózderińiz baıqaǵandaı, báseke óte tartysty boldy. Qazirgi ýaqytta Eýropa jáne Azııa elderiniń sportshylarynyń deńgeıi joǵary, komandalyq jarysta qıyndaý boldy,- dedi sportshy.

Osyǵan deıin habarlaǵanymyzdaı, Qazaqstan quramasy aralas estafetada jartylaı fınalǵa joldama ala almady.