Abzal Ájǵalıev: Olımpıada jáne álem chempıondaryn jeńip, tarıhı altyn júlde aldyq

HARBIN.KAZINFORM – Short-trekten Qazaqstan quramasynyń sportshysy Abzal Ájǵalıev barsha qoldaý kórsetken qazaqstandyqtarǵa rahmet aıtyp, tarıhı altyn medalmen quttyqtady.

– Barsha otandastardy qýanttyq dep oılaımyn. Jańa ǵana kúmis medal jeńip alyp, tarıhı kórsetkishke jetken edik.

Al búgin tipten tarıhı máni bar alǵashqy altyn medalǵa qol jetkizip otyrmyz,- dedi sportshy.

Ol sondaı-aq bul jeńis Qazaqstan short-trek sporty deńgeıi óskeniniń aıqyn dáleli ekenin aıtty.

– Sebebi, biz Olımpıada jáne álem chempıondarymen júldeni sarapqa salyp, jeńiske jettik. Bul otandyq short-trek sporty deńgeıiniń óskenin kórsetedi. Biz osyndaı myqty eldermen básekeles bola alatynymyzdy, olardy jeńe alatynymyzdy dáleldedik,- deıdi Abzal.

Shrt-trekshi qazaqstandyqtardy qysqy sportqa nazar aýdarýǵa jáne qoldaýǵa shaqyrdy. 

– Barsha Qazaq elin osy tarıhı jeńisimizben quttyqtaımyz. Qysqy sportty kórińizder, bizdi qoldańyzdar, - dedi Abzal Ájǵalıev.

Aıta kteıik, Short-trekten Qazaqstan erler quramasy Qytaıdyń Harbın qalasynda ótip jatqan ІH qysqy Azııa oıyndarynnyń erler arasynda 5000 metrden komandalyq estafeta jarysynda tarıhı altyn medal jeńip aldy.

Qazaqstan quramasy sportshylary Denıs Nıkısha, Gleb Ivchenko, Mersaıd Jaqsybaev jáne Ádil Ǵalıahmetov 6 mınýt 59.415 sekýnd nátıjemen máre syzyǵyn birinshi kesip, el qorjynyna alǵashqy altyn medal saldy.

Osyǵan deıin, Qazaqstan qyzdar quramasy 3000 metrge estafetadan kúmis aldy.