Abylaıhan Júsipov Tokıodaǵy jeńilisi týraly: Salqynqandy otyryp saralaý kerek
«Boksta birinshi jyl júrgen joqpyn, birinshe ret mundaı júkti arqalaǵan emespin, sondyqtan psıhologııalyq turǵydan da daıyn boldym. Óz basym babymda, tyńǵylyqty daıyndalyp bardym dep aıta alamyn. Ózim oılaǵan, bapker qoıǵan talaptardy barynsha oryndadym dep oılaımyn. Jarys aldynda bizge barlyq jaǵdaı jasaldy, Tokıoǵa jarys aldynda bir apta buryn bardyq. Óz basym jeke-jegimdi áli qaraǵan joqpyn, ony salqynqandy otyryp qarap, saralaý kerek. Sol kezde ne kemshilik ketkenin sonda aıta alamyn», - dedi Abylaıhan Júsipov astana áýejaıynda tilshilerdiń suraǵyna jaýap bere otyryp.
Sondaı-aq, sportshy azdaǵan demalystan soń kásibı sporttaǵy josparyn qaıta qarastyratynyn aıtty.
«Olımpıadaǵa ekiniń biri baryp jatqan joq, oǵan qatysýdyń ózi baqyt. Ár jarystan soń shúkirshilik etemiz. Men úshin ár jarys ol sabaq, bul Tokıo Olımpıadasy da kezekti sabaq boldy. Olımpıadaǵa qatysýdy armandaýshy jas sportshylarǵa aıtarym, kóp eńbektený kerek», - deıdi ol.
Eske sala ketsek, 69 keli salmaq dárejesinde synǵa túsken Abylaıhan Júsipov AQSh sportshysy Djonson Delantemen kezdesip, 1:4 esebimen jeńilgen edi.
Aıta keteıik, búgin erdalyq jankúıerler Tokıo Olımpıdasynan oralǵan boksshylar Vasılıı Levıt pen Abylaıhan Júsipovti erekshe qoshemetpen qarsy aldy.
