Abylaıhan Júsipov Tokıo Olımpıadasynyń uıymdastyrý deńgeıi týraly aıtty

NUR-SULTAN. QazAqparat - Bokstan Qazaqstan komandasynyń múshesi Abylaıhan Júsipov Tokıodaǵy alǵashqy jattyǵý kúnderi qalaı ótip jatqanyn aıtyp, shaǵyn suhbat berdi dep jazady Olympic.kz.

«Tokıo qalasyna kelip, olımpıadalyq aýylǵa ornalastyq. Munda sportshylarǵa kerekti dúnıeniń bári de bar. Bar jaǵdaı jasalǵan. Rıo Olımpıadasyna da qatysqanymdy bilesizder. Eger salystyrmaly túrde qarasaq, eki eldegi uıymdastyrý deńgeıi uqsas. Tokıoda jattyǵýdy bastap kettik. Arnaıy trenajer zaly da bar eken.

Barlyq erejelerdi saqtap júrmiz. Kúnine birneshe ret PTR test tapsyramyz. Árıne, bul azdap jalyqtyrady. Degenmen, barsha álem pandemııamen kúresip jatqandyqtan, bul talapqa moıynsunamyz», - deıdi Júsipov.