Abylaıhan Júsipov kásipqoı boksta meksıkalyq qarsylasyn nokaýtqa jiberdi

NUR-SULTAN. QazAqparat - Qazaqstandyq boksshy Abylaıhan Júsipov kásipqoı bokstaǵy kezekti jekpe-jegin sátti ótkizdi, dep habarlaıdy QazAqparat tilshisi.

Qazaqstandyq Abylaıhan Júsipov AQSh-tyń Mınneapolıs qalasyndaǵy boks keshinde sharshy alańǵa shyqty. Ol meksıkalyq Edgar Ramıresti tize búktirdi. Tórt raýndqa josparlanǵan jekpe-jek birinshi raýndta Abylaıhannyń qarsylasyn nokaýtqa túsirýimen aıaqtaldy.

Abylaıhan Júsipov 1997 jyly dúnıege kelgen. Álem chempıonatynda úsh márte qola júlde alsa, Azııa chempıonatynda kúmis júldege qol sozdy. Ol áýesqoı boksta ulttyq quramanyń kapıtany mindetin atqardy.

Boks keshinde qazaqstandyq Evgenıı Pavlov meksıkalyq Aleksıs Salıdony nokaýtpen jeńdi.

Budan buryn atalǵan rıngte Ábilhan Amanqul kásipqoı bokstaǵy birinshi jekpe-jegin ótkizip, jeńiske jetkenin jazǵan edik.