Abylaıhan Qusaıynovtyń kelesi jekpe-jeginiń datasy anyqtaldy

ASTANA. QazAqparat – Kásipqoı boksshy Abylaıhan Qusaıynovtyń (12-0, 9KO) kelesi jekpe-jeginiń datasy anyqtaldy, dep habarlaıdy QazAqparat.

Instagram-daǵy Qazaqstannyń kásipqoı boksy paraqshasynda BoxRec.com-ǵa silteme jasap málim etilgendeı, A.Qusaıynov rıngke 1 maýsym kúni Máskeýde shyǵady. Onyń qarsylasy – jeńilip kórmegen reseılik boksshy Artýr Sýbhankýlov (5-0, 4KO). Jeńil salmaqtaǵy jekpe-jek 10 raýndqa eseptelgen.

Eske salaıyq, Abylaıhan Qusaıynov kásipqoı rıngke 2020 jyldyń qazanynda oralǵan bolatyn. Ótken jyldyń jeltoqsan aıynda ol Almatyda tájikstandyq Bahtovar Sagızovty (0-4) merziminen buryn jeńdi. Odan keıin 21 naýryzda Almatydaǵy boks keshinde óner kórsetýdi josparlaǵan edi. Alaıda, keıin jekpe-jek ótpeıtini habarlandy.