Abylaıhan Kádirjan BATTLE OF NOMADS Gran-prıde jeńiske jetti
ASTANA. QazAqparat - MMA aptalyǵy barysynda 61,2 kelige deıingi jeńil salmaq dárejesinde BATTLE OF NOMADS Gran-prıdiń bastapqy jekpe-jekteri ótkizildi, dep habarlaıdy QazAqparat Qazaqstannyń MMA federatsııasyna silteme jasap.
Týrnır qazaqstandyqtar úshin sátsiz bastaldy. Alǵashqy kezdesý debıýtant Erjan Erdáýlet pen ýkraınalyq Oleksıı Bondarenko arasynda ótti. Jekpe-jektiń ekinshi raýndynda Ýkraına sportshysy birneshe aýyr soqqy jasap qazaqstandyqty tehnıkalyq nokaýtpen jeńip ketti.
Ekinshi kezdesý qazaqstandyq Samat Jaǵyparov pen ózbekstandyq Jasýrbek Anarboev arasynda ótti. Osy jekpe-jek te bizge jeńis ákelmedi. Tartysty ótken aıqasta tóreshilerdiń sheshimimen Anarboev jeńdi.
Úshinshi jekpe-jektiń alǵashqy eki raýndta qarsylas basym tústi. Alaıda úshinshi raýndtyń 4-mınýtynda Abylaıhan Kádirjan aýyrtatyn ádispen jarysty merziminen buryn aıaqtady.
Aıta keterligi, Abylaıhan «Mansur» Kádirjan BATTLE OF NOMADS Gran-prı týrnıriniń shırek fınalynda jeńiske jetken jalǵyz qazaqstandyq.
Týrnır sońynda ıspandyq Carlos Eduardo TETO TERRANOSA de Azevedo qyrǵyz Myqtybek Óskónboevpen aıqasty. Jekpe-jek aldynda ıspandyqqa mejelengen salmaǵy asyp ketkeni úshin sary karta berilgen edi. Alaıda eskertý alǵanyna qaramastan TETO TERRANOSA tóreshiler sheshimi boıynsha jeńiske jetti.
Eske sala ketsek, 8-11 mamyr aralyǵynda Astanada MMA aptalyǵy barysynda Qazaqstannyń aralas jekpe-jekten VI chempıonaty ótip jatyr. Qazaqstan chempıony tıtýlyna elimizdiń túkpir-túkpirinen kelgen 200 sportshy baq synaýda. Erteńgi nátıjes boıynsha jasóspirimder jáne eresekter arasynda 14 salmaq dárejesinde fınalǵa shyǵatyndar belgili bolady.
