Abylaı Myrzahmetov: Janarmaı arzandady, demek áýe bıleti qymbattamaýy tıis
«Shetelde qalyp ketken azamattarymyzdy alyp kelý nemese sheteldik mamandardy elderine qaıtarýǵa qatysty keıbir charterlik reısterdiń oryndalǵany bolmasa eldegi áýe kompanııalary osyǵan deıin amalsyz toqtap turdy. Árıne jumysy toqtaǵannan keıin olar tabystan qaǵyldy. Moıyndarynda nesıeleri, ujymyna berýi tıis aılyǵy sııaqty shyǵyndary bar. Jalpy álemdik jaǵdaıǵa qarasaq, birinshi qatty qıyndyqty kórip jatqan bıznes salalarynyń aldyńǵy leginde – áýejaı men týrızm, artynsha qyzmet kórsetý salasy tur. Sondyqtan áýejaılarǵa kómektesý kerek», - dedi Abylaı Myrzahmetov Ulttyq kásipkerler palatasynyń Facebook paraqshasynda onlaın rejımde sóılegen sózinde.
Palata basshysy áıtse de jolaýshylardy tasymaldaǵanda áýejaı ákimshiligi adamdardyń arasyndaǵy áleýmettik qashyqtyq erejesin saqtaýy kerektigin eske saldy.
«Osy erejelerdi eskersek, bir ushaqqa jolaýshylardy tolyqqandy alyp kirý qıyn bolady. ıAǵnı olar shamamen 30-40 paıyz deńgeıinde jolaýshylardyń sanyn qysqartýy kerek. Onyń qalaı bolatyny boıynsha sanıtarlyq dárigerlermen, sarapshylarmen aqyldasqan abzal. Áýe kompanııalary osy erejelerdi saqtaı otyryp, ushqan kezde shyǵyndaryn óte ala ma, joq pa – eseptelýi tıis. Ekinshiden áýe kompanııalarynyń negizgi shyǵyndary janarmaımen baılanysty. Munaı arzandaǵannan keıin janarmaıdyń baǵasy tómendedi. Muny da eskerip, bılettiń baǵasyn ósirmeý kerek. ıAǵnı shyǵyn tutynýshylardyń moınyna ilinbeýi tıis», - dedi ol.
Eske sala ketsek QR Prezıdenti Qasym-Jomart Toqaev tótenshe jaǵdaı rejımin bıylǵy 11 mamyrǵa deıin uzartý jóninde sheshim qabyldady. Bul týraly Memleket basshysy búgingi málimdemesinde aıtqan bolatyn. Sonymen qatar Úkimet 1 mamyrdan bastap elorda men Almaty arasyndaǵy reısterdi ashatyn boldy.