Abylaı Myrzahmetov monopolısterdiń artyq talabyna qalaı shekteý qoıylǵanyn aıtyp berdi
«Jyl saıyn keri baılanyspen kásipkerlerden keletin júıeli máselelerdi rettep otyrmyz. Onyń reestri de bar. Ol reestrde 600-den astam suraq bar. Aı saıyn Álıhan Smaıylovtyń (Úkimet basshysynyń orynbasary) basqarýymen vedomstvoaralyq komıssııa jumys júrgizedi. Sonyń esebinen 500-den astam suraqtyń 80 paıyzdan kóbiniń sheshimi tabyldy», - dedi Abylaı Myrzahmetov Úkimet otyrysynda.
Palata basshysy naqty mysaldardy da keltirdi.
«Mysaly jergilikti jerde – gazben qamtylatyn 7-8 oblysta kásipkerler «monopolıster aldyn ala aqsha tóleýdi surap, kásipkerlerge qysym kórsetetin. Sol másele sheshilip avans tóleý máselesi alynyp tastaldy. Odan bólek temir jol salasynda qosymsha joldar jeke menshikke berilgen. Ókinishke qaraı ol jerde de monopolııalyq sheshimder qabyldanyp, ondaǵy tarıfter qatty ósip ketken. Ásirese Aqmola men Qostanaı oblysynada osy úrdis baıqaldy. Bul másele de rettelip, naqty ádisteme qabyldandy. Aıta bersek osyndaı aýqymdy jumys kóp», - dedi ol.