Abylaı Myrzahmetov «Bızneske arnalǵan Úkimet» portalynyń qashan iske qosylatynyn aıtty
«Atameken» ulttyq kásipkerler palatasynyń basqarma tóraǵasy Abylaı Myrzahmetov Úkimet otyrysynda osyndaı málimet aıtty.
«Memleket qoldaýynyń arqasynda «Atameken» aýdan ortalyqtarynda shaǵyn kásipkerlerge aqparattyq kómek kórsetip otyr. ıAǵnı, qandaı jobalarǵa qalaı qatysýǵa bolady degen sııaqty suraqtarǵa jaýap beremiz. 2019 jyldan bastap bul qyzmettiń bári onlaın túrde kórsetile bastady. Ótken jyly qyzmettiń 30 paıyzy onlaın kórsetilse, birinshi toqsanda 50 paıyzǵa jetti. Jyldyń aıaǵynan, kelesi jyldyń basynan tolyq 100 paıyz onlaınǵa kóshý týraly talap qoıyp otyrmyz», - deıdi palata tóraǵasy.
Onyń sózine qaraǵanda «Atameken» kórsetetin kómektiń eń negizgi túri – býhgalterlik nemese salyq esebin ótkizý kómegi. Quqyqtyq, memlekettik tapsyrystarǵa qatysý, marketıng boıynsha da kómek suraıtyndar kóp kórinedi.
«Osy 4 qyzmet barlyq kórsetiletin qyzmettiń 80 paıyzyn alyp jatyr. Memleket basshysy «Bızneske arnalǵan Úkimet» portalyn qurý týraly tapsyrma bergen bolatyn. Osy jobada «Atamekenge» tıisti zańnamalyq quzyret berildi. Úkimetpen tıisti kelisimshartqa qol qoıdyq. ıAǵnı, kásipkerlerge beriletin qyzemttiń bárin «bir tereze arqyly» tsıfrlyq formatta berý kózdelip otyr. Aıta ketsek, 32 qarjylyq kómektiń bárine (sýbsıdııa alý, memlekettik kepildeme alý qyzmetter jáne t.b.) jáne qarjylyq emes kómektiń bárine atsalysamyz», - degen Abylaı Myrzahmetov «Bızneske arnalǵan Úkimet» portalynyń kelesi jyly qoldanysqa beriletinin atap ótti.
«Orta eseppen kásipkerlerge memlekettik organdar 570 kómek beredi. Osy qyzmettiń bári atalmysh portalda biriktiriledi. Jyl aıaǵyna deıin aıaqtalyp, kelesi jyldan bastap barlyq qyzmet, kómek kórsetý sharalary kásipkerlerge tsıfrly túrde beriledi», - dedi «Atameken» basshysy.