Abylaı Myrzahmetov: «Bastaý bıznes» halqymyzdyń erinshek emes ekenin kórsetti

NUR-SULTAN. QazAqparat – «Bastaý bıznes» baǵdarlamasynyń aýqymy jyl ótken saıyn aýylmen birge qalaǵa da keń tarap keledi. Bul týraly «Atameken» ulttyq kásipkerler palatasynyń basqarma tóraǵasy Abylaı Myrzahetov 5 jyldyǵyna arnalǵan forýmda aıtty, dep habarlaıdy QazAqparat tilshisi.

«Bıznes bastaý» arqyly oqyǵan, óz isin bastaǵandardyń 90 paıyzy – óz-ózin jumyspen qamtyp júrgender, ásirese aýyl turǵyndary. Eger bastaǵan kezde baǵdarlamaǵa qatysýshylardyń 80 paıyzy aýyl turǵyndary bolsa, qazir 60 paıyzyn qurap otyr. Qyzmet kórsetý salasy, sheberhana sııaqty túrli salalar jan-jaqty damyp keledi. Sońǵy jyldary pandemııaǵa baılanysty onlaınǵa da kóshtik. Biz halqymyz erinshek degendi jıi aıtamyz. Adamdar jumys tańdaıdy dep jatamyz. «Bıznes bastaý» olaı emes ekenin kórsetti. Halyqqa jolyn kórsetse, kómektesip, qoltyǵynan sál súıemeldep jiberse, alyp ketetin altyn halyqpyz. Sondyqtan da bul baǵdarlama nátıje kórsetip otyr», - dedi «Atameken» basshysy.

Eske salsaq, búgin «Atameken» UKP «Bastaý Bıznes» jobasy boıynsha atqarylǵan jumystardyń 5 jyldyǵyn qorytyndylap jatyr. Qazaqstan Táýelsizdiginiń 30 jyldyǵyna arnalǵan sharany Elbasy – Tuńǵysh Prezıdent Nursultan Nazarbaev quttyqtaý sózimen ashyp berdi.