«Abylaı hannyń qara joly» ekspedıtsııasy máresine jetti

KÓKShETAÝ. QazAqparat - «Rýhanı jańǵyrý» baǵdarlamasy sheńberinde qyrkúıektiń 17-si kúni Býrabaıdaǵy Abylaı han alańynan saparǵa shyqqan «Abylaı hannyń qara joly» ekspedıtsııasy «Kókshetaý-Aqmola-Ulytaý-Túrkistan» kerýen jolymen júrip ótip, Kókshetaýǵa kelip toqtady, dep habarlaıdy QazAqparat tilshisi.

Belgili ólketanýshy jəne qoǵam qaıratkeri Murat qajy Ydyrysuly bastaǵan ekspedıtsııa múshelerin kókshetaýlyqtar qalaǵa kireberis qaqpanyń aldynda shashý shashyp, sán-saltanatpen  qarsy aldy.

«Abylaı hannyń qara jolymen 4300 shaqyrym jol júrdik. Qazaqtyń talaı bir qasıetti de, kıeli jerlerin basyp ótip, Túrkistanǵa bardyq. Jol boıy ekspedıtsııa múshelerin jergilikti jerdiń halqy men el aǵalary, basshylar qýana qarsy alyp otyrdy», -dedi ekspedıtsııa jetekshisi Murat qajy Ydyrysuly.

Qyrkúıektiń 17-si kúni Abylaı han Úsh júzdiń basyn qosqan Býrabaıdan bastaý alǵan ekspedıtsııa Qorǵaljyn, Nurany boılap, Ulytaý, Qyzylorda arqyly kóne Syǵanaq jáne Saýran qalalarynyń ashyq aspan astyndaǵy murajaılarynda, qasıetti Túrkistanda bolyp, qaıtyp oraldy. Ekspedıtsııa qorytyndysy boıynsha Abylaı men onyń zamany týraly jınalǵan materıaldardan ǵylymı maqalalar men jınaqtar shyǵarý josparda bar. «Abylaı hannyń qara joly» atty kórkem fılm de túsirilmek. Oǵan qosa, Aqmola oblysy jáne Kókshetaý qalasynyń tabıǵı jáne toponımdik lanshaftyn qoldana otyryp jınalǵan, elimizde teńdesiz topografııalyq karta qurastyryp, shyǵarý josparda bar.