Abylaı hanǵa arnalǵan monýment: Memleket basshysy qoldaý bildirdi

KÓKShETAÝ. QazAqparat – Abylaı hanǵa arnalǵan monýment salý jobasyn qoldaý kerek. Bul týraly Memleket basshysy Qasym-Jomart Toqaev Aqmola oblysyn damytý máseleleri jónindegi keńeste aıtty, dep habarlaıdy QazAqparat tilshisi.

«Maǵan birer kún buryn Abylaı hanǵa arnalǵan monýment salý jobasy tanystyryldy. Joba boıynsha munda lıft, baqylaý alańy, murajaı jáne dámhana sııaqty birqatar nysandar qarastyrylǵan. Atalmysh joba halyqtyń jınaǵan qarajatyna salynady. Bul jobanyń qanshalyqty tıimdi bolatynyn kóremiz. Jalpy, men bul jobany qoldaý kerek dep esepteımin», dedi Prezıdent.

Eske sala keteıik, Prezıdent Qasym-Jomart Toqaev resmı saparmen Aqmola oblysynda júr.