Abylaı Áýelhanov jasóspirimder arasyndaǵy álem chempıony atandy
TAShKENT. QazAqparat - Ózbekstan astanasy Tashkentte bastalǵan aýyr atletıkadan jasóspirimder arasyndaǵy álem chempıonatynda Qazaqstan qorjynyna alǵashqy altyn tústi dep habarlaıdy QazAqparat Olympic.kz-ke silteme jasap.
55 kelige deıingi salmaqta synǵa túsken Abylaı Áýelhanov eki baǵdarlama qorytyndysy boıynsha 248 kelini eńserip (108+140), chempıon atandy.
Abylaı jaqynda ótken eresekter arasyndaǵy Azııa birinshiliginde kúmiske qol jetkizgen bolatyn. Kúmis medaldi Ózbekstan ókili Ogabek Nafasov, qolany ekvadorlyq Zýrıta Valledjo enshiledi.