Ábýjaqynova Grand Slam jarysynda úshinshi orynǵa ıe boldy

ASTANA. KAZINFORM — Qazaqstan áıelder quramasynyń dzıýdoshysy Ábıba Ábýjaqynova Abý-Dabıde (BAÁ) ótip jatqan Grand Slam týrnırinde úshinshi oryn aldy. Bul týraly UOK baspasóz qyzmeti habarlady. 

48 kelige deıingi salmaqta qola medal úshin ótken beldesýde Ábıba Ispanııa sportshysy Eva Peres Solermen kúresti.

Tartysty beldesýde otandasymyz jeńiske jetti. Osylaısha, Ábýjaqynova jeńis tuǵyrynyń úshinshi satysyna kóterildi.

Aıta keteıik, alǵashqy jarys kúni fınaldyq kezeńge tek Ábıba Ábýjaqynova jetti. 

Eske salsaq Zarına Dııas Qytaıdaǵy arnaıy týrnırdiń fınalyna shyqqan edi.