Ábý Nasyr ál-Farabı men Qoja Ahmet ıAsaýı eńbekteri malaı tiline aýdarylýy múmkin
ASTANA. KAZINFORM — Qazaqstan Respýblıkasynyń Ulttyq kitaphanasynda Malaızııanyń Selangor shtaty delegatsııasymen kásibı jáne mádenı yntymaqtastyqqa arnalǵan resmı kezdesý ótti. Bul týraly QR Mádenıet jáne aqparat mınıstrliginiń baspasóz qyzmeti málim etti.
QR Mádenıet jáne aqparat mınıstrligi Arhıv, qujattama jáne kitap isi komıtetiniń tóraǵasy Rýstam Alı memleket tarapynan kitaphana salasyna júıeli qoldaý kórsetiletinin, sondaı-aq, mınıstrlikke qarasty kitaphanalardy modernızatsııalaý men olardyń damýyna basa mán beriletininn atap ótti.
— Selangor shtatynyń Bas mınıstri Amırýdın bın Sharı Qazaqstanmen mádenı baılanystardy keńeıtýge múddeli ekenin bildirdi. Ol ıslam murasyn zertteý aıasynda Ábý Nasyr ál-Farabı men Qoja Ahmet ıAsaýı eńbekterin malaı tiline aýdarýǵa yqylas tanytty. Sonymen birge balalar kitaphanalarynyń áleýetin arttyrýǵa erekshe nazar aýdaryp otyrǵanyn aıtty, — delingen habarlamada.
Selangor Qoǵamdyq kitaphanasy korporatsııasynyń dırektory Mastýra bıntı Hadjı Mýhammad pen QR Ulttyq kitaphanasynyń dırektory Ǵazıza Qudaıbergen ózara seriktestikti damytýǵa baǵyttalǵan memorandýmǵa qol qoıdy. Kezdesý barysynda taraptar tsıfrlandyrý, tájirıbe almasý jáne jańa servıster engizý máselelerin talqylady.
Al Qoja Ahmet ıAsaýı kesenesine qatysty kópshilik bile bermeıtin tarıhı syr týraly oqyǵyńyz kelse myna siltemege ótińiz.