Abu Dhabi Plaza saýda úıiniń joǵarǵy qabattarynda ne ornalasady
ASTANA. QazAqparat – ALDAR EUROASIA LLP kompanııasy Abu Dhabi Plaza-nyń joǵary qabattarynyń eskızin bólisti. Sonymen qatar kompanııa QAZAQSTAN munarasynyń ishinde ne bolatynyn málimdedi, dep habarlaıdy QazAqparat tilshisi.
Kompanııa málimetinshe, Ábý-Dabı Plaza ishki árleý jumystary aıaqtalǵannan keıin tolyq paıdalanýǵa beriledi.
Árleý jumystaryn aıaqtaý kestesi BAÁ Úkimetiniń qaraýynda jatyr.
QAZAQSTAN munarasynda mynadaı nysandar ornalasady:
04-22 qabattar – keńse úı-jaılary
25-75 qabattar – páterler.
Barlyǵy 422 páter men 4 penthaýs bolady.
Jalǵa beriletin keńseniń jalpy aýmaǵy - 21 906 sharshy metr.
QAZAQSTAN munarasynyń R blogynda negizgi qurylys jumystary tolyqtaı aıaqtaldy, syrtqy jumystary bitti.
Degenmen, ishki árleý jumystary ınvestor jáne Birikken Arab Ámirlikteri Úkimetiniń qalǵan ishki jumystar boıynsha munan arǵy jospary bekitilgenge deıin keıinge shegerilgen.
Qurylys baǵdarlamasyna sáıkes, QAZAQSTAN munarasynyń ishki árleý jumystary bıyl jalǵasady.
Ony 2024 jyldyń maýsym-shilde aılarynda aıaqtaý josparlanǵan.
