Ábý-Dabılik ónertapqysh aýyz sý problemasyn sheshetin qurylǵy oılap tapty
ASTANA. 21 mamyr. QazAqparat - Birikken Arab Ámirliginiń azamaty Abdýlla ál-Shehı shól jáne shóleıtti aımaqtardy taza sýmen qamtamasyz etetin jańa sý qurylǵysyn oılap tapty.
Bul ekologııalyq jaǵynan taza tehnologııalarǵa ıek artyp otyrǵan BAÁ úshin úlken jetistik bolyp tabylatyn mańyzdy qadam ekenin aıta ketý kerek. Bul jaıynda Green Prophet habar taratty.
Atalmysh qurylǵy sýdy tuşylandyrý úshin kóp elektr qýatyn qajet etetin ysyraby kóp tehnolgııany almastyryp, shól jáne shóleıtti aımaqqa jatatyn Taıaý Shyǵystaǵy aýyz sý problemasynyń oń sheshim tabýyna septigin tıgizedi.
31 jastaǵy ónertapqyshtyń bul týyndysy aýadaǵy ylǵaldy ózine sińirip, ishýge jaraıtyn aýyz sýǵa aınaldyryp beredi.
muslim.kz saıtynyń jazýynsha, ónertapqysh Khaleej Times basylymyna bergen suhbatynda «Al-ma'u» (arabsha «sý» degen maǵyna beredi) dep ataǵan qurylǵysy sý massasynyń 20 sharshy mıl alańynan aıyna 253,6 mln lıtrge deıin tuşy sý alýǵa múmkindik beretinin aıtqan.
Ónertapqyshtyń ózi atalmysh qurylǵy sý tapshylyǵyn sezinip otyrǵan elderge kómektesetinine senim artyp otyr.
