Abý-Dabıde Taıaý Shyǵystaǵy alǵashqy «Dısneılend» paıda bolady

ASTANA. KAZINFORM — Disney kompanııasy Taıaý Shyǵysta óziniń alǵashqy taqyryptyq saıabaǵyn salyp jatyr. Ol BAÁ astanasy Abý-Dabıde ashylady, dep habarlaıdy kompanııanyń baspasóz qyzmeti.

«Dısneılend» jasandy ıAs aralynda ornalasatyny atap ótildi. Jobanyń egjeı-tegjeıleri jarııalanbaıdy. Disney kompanııasy tek jobany ázirleýge shamamen eki jyl, al saıabaqty salýǵa shamamen alty jyl qajet ekenin málimdedi.

— Abý-Dabıdegi «Dısneılend» shyn máninde Disney rýhynda bolady, sonymen birge biregeı Ámirlik murasyn — álemniń qıylysyndaǵy tańǵajaıyp Disney oıyn-saýyq oazısin kórsetedi, — dedi The Walt Disney Company bas dırektory Robert Aıger.

Kompanııanyń málimetinshe, BAÁ-de álemdegi eń iri avıatsııalyq hab ornalasqan. Planeta turǵyndarynyń úshten birine Birikken Arab Ámirlikterine barý orta eseppen tórt saǵatty alady — bul el perspektıvaly týrıstik baǵyt sanalady.

Qazirgi ýaqytta álemde alty «Dısneılend» bar — olar Kalıfornııa, Florıda, Tokıo mańyndaǵy Ýraıasý qalasy, Shanhaı, Gonkong jáne Parıjde ornalasqan.

Eske sala keteıik, Dýbaıdaǵy Mall of Emirates saýda ortalyǵyn keńeıtýge 1,36 mlrd dollar jumsalady.