Ábý-Dabıde Solar Impulse 2 ushaǵynyń jersharyn aınala jasaǵan saıahaty sátti aıaqtaldy
ASTANA. QazAqparat - Kún batareıalarymen jumys isteıtin Solar Impulse 2 ushaǵy óziniń jersharyn aınala jasaǵan saıahatyn BAÁ-de aıaqtady, dep habarlandy jobanyń Twitter-degi resmı shaǵyn blogynda, dep jazdy RIA Novostı.
Jeksenbide ushaq Mysyrdan BAÁ-ǵa ushqany týraly habarlandy. Solar Impulse 2 bir apta buryn sońǵy qalaǵa ushýy tıis edi, alaıda ushqysh Bertran Pıkardyń aýyrýyna baılanysty keıinge shegerildi.
"Solar Impulse 2 jáne Bertran Pıkar Ábý-Dabıde sátti qondy", - dep jazyldy joba Twitter-inde.
Ushqanda kún energııasyn paıdalanatyn Solar Impulse 2 jer sharyn aınalý shartyn 2015 jyly 9 naýryzda Ábý-Dabıden bastady. Ol Oman (Maskat), Úndistan (Varanası), Mıanma (Mandalaı), Qytaı (Chýntsın jáne Nankın), Japonııa (Nagoıa) jáne AQSh-tyń birneshe qalalarynda boldy.
