Ábý-Dabıde Rybakınany joldan taıdyrǵan tennısshi chempıon boldy

ASTANA. KAZINFORM – Ábý-Dabı qalasynda (BAÁ) áıelder arasynda WTA 500 týrnıri aıaqtaldy.

Fınalda dúnıejúzilik reıtıngide 157-orynda turǵan shveıtsarııalyq, 27 jastaǵy Belında Benchıch álemniń 51-raketkasy, amerıkalyq Eshlın Krıýgermen chempıondyq ataqty sarapqa saldy.

Matchty 20 jastaǵy E.Krıýger sátti bastady – 6:4. Alaıda budan keıin B.Benchıch des bergen joq – 6:1, 6:1.

Eki saǵat 23 mınýtqa sozylǵan básekede Benchıch 2 eıspen birge 15 breık-poınttyń 8-in paıdalandy. Krıýger 3 eıs, 4 breıkpen (12 breık-poınt) shekteldi.

Osylaısha, júlde qory 1 mln astam AQSh dollaryna baǵalanǵan jarysta B.Benchıch úzdik shyqty. Ol jartylaı fınalda ótken jylǵy jeńimpaz, qazaqstandyq Elena Rybakınany joldan taıdyrǵan edi.

Eske sala keteıik, budan buryn Elena Rybakınanyń Ábı-Dabı týrnıriniń fınalynan tys qalǵanyn jazǵan edik.

Albına Kákenova Qaraǵandy týrnıriniń absolıýtti chempıony atandy.